என் கனவு மெய்ப்படவேண்டும் ...............

என் கனவு மெய்ப்படவேண்டும் ...............
அமெரிக்க நாட்டின் கருப்பு சிங்கம் மார்டின் லூதர் கிங்

வெள்ளையருக்கு அடிமைகளாக கருப்பு இன மக்கள் பல நூற்றாண்டுகள் இருதார்கள்.
அவர்கள் பட்ட துன்பங்கள் எண்ணத்தில்,எழுத்தில் அடைக்க முடியாதவை. மனித உணர்வுள்ள மனிதர்களால் சகித்துக்கொள்ள முடியாதவை.
ஆப்ரிக்கா கண்டத்தின் இம்மக்களை உலகம் முழுவதுமான வெள்ளையின மக்கள் விலங்குகளை விட கேவலமாக நடத்தினார்கள்.
அமெரிக்க,ஐரோப்பிய நாடுகளின் வீடு மிருகங்களாக கருதப்பட்ட காலமும் இருந்தது உண்டு. அமெரிக்க சரித்திரத்தில் இவர்கள் விட்ட கண்ணீரின்
ஈரம் காய்வதற்கு இன்னும் பல நூறு ஆண்டுகள் ஆகும். இவர்களுக்காக முதல் குரல் கொடுத்தவர் ஆபிரகாம் லின்கன். ஆனால் அவர்
சுட்டு கொல்லப்பட்டார்.
அதற்க்கு அடுத்து கறுப்பின மக்களுக்காக போரடியவர்தான் மார்டின் லூதர் கிங். ஒரு கிறிஸ்தவ மத போதகராக "அலபாமாவில்" தன் வாழ்கையை ஆரம்பித்த லூதர்
பின்னாளில் அமெரிக்க அரசுக்கு மிகப்பெரிய சிம்ம சொப்பனமாக திகழ்ந்தார். ஜனவரி 15 , 1929 ம் ஆண்டு அமெரிக்காவிலுள்ள அட்லாண்டா என்ற ஊரில் பிறந்தார் தனது தந்தையை பின்பற்றி “More house college
பட்டம் பெற்ற பின் Boston university
யில் ஆராச்சி படிப்பை
முடித்தார்.
அவரின் மனதை மிகவும் பாதித்தவை நூறு ஆண்டுகளாக நடந்த சுதந்திர போராட்டம் முடிவுக்கு வந்த பின்பும் கறுப்பின மக்கள் இரண்டாம் தர
குடிமக்களாக கருதப்பட்டவைகள்தான். பேருந்துகளில், ரயில் வண்டிகளில்,பொது இடங்களில் இவர்கள் மிகவும் அவமதிக்கப்பட்டர்கள்.
1955 Montgomery என்ற இடத்தில நடந்த ஒரு சம்பவம் இவரை மிகப்பெரிய போராட்ட வீரர் ஆக்கியது. ரோசா பார்க் என்ற பெண்மணி ஓடும் பேருந்தில் வெள்ளையருக்கும் கருப்பினருக்கும்
சமமான இருக்கை வேண்டும் என்ற உரிமைப்போரில் கைது செய்யப்பட்ட சம்பவம் பெரும் பரபரப்பை ஏற்படுத்தியது.
அந்த பெண்மணிக்கு நேர்ந்த அவமானத்தை முன்வைத்து பேருந்து நிறுவனத்தின்மீது நடவடிக்கை,கருப்பு வெள்ளை இனப்பாகுபாட்டுக்கு
முடிவு ஆகிய கோரிக்கைகளை வைத்து மிகப்பெரிய போராட்டத்தை நடத்தினார் லூதர். வரலாற்ற்றில் லூதரின் இப்போராட்டம்
பொன் எழுத்துக்களால் பொறிக்கப்படவேண்டிய ஒன்றாகும்
அமெரிக்க காவல் படையின் மூர்கத்தனமான தாக்குதல்கள் கறுப்பின மக்களின் எழுச்சிக்கு மிகவும் தடையாக இருந்தது. இந்த சமயத்தில் இப்படிப்பட்ட சூழ்நிலையை சமாளிக்க லூதர் கையாண்ட முறை மகாத்மா காந்தியின் அஹிம்சை கொள்கைதான். காந்தியின்,அடக்குமுறைக்கு பயந்துவிடாமல் தாக்குதலை
சமாளிப்பது எப்படி என்பதை லூதரும் தன் போரட்டகொள்கையாக கையாண்டார். இதன் பலன் அவருக்கு உடனடியாக கிடைத்தது. ஆம்!
காவல் துறையின் தாக்குதலை தாங்கிக்கொண்டு போராடும் குழுவினரின் சகிப்புதன்மை அன்றைய பத்திரிகை, புகைப்படங்கள் மூலமாக வெளயுலக்கு தெரியவந்தது. பொது மக்களின் ஆதரவும் கிடைத்தது.
லூதர் கிங் அவர்களின் எழுச்சிமிக்க பேச்சுக்கள் இன்றும் ஒடுக்கப்பட்ட மக்களின் வீர உரையாக கருதபடுகிறது. 1965 ஆண்டு வியட்நாம் போருக்கு
எதிராக இவர் விடுத்த அறிவிப்புகள் இவரை அமெரிக்க நாட்டின் எதிரியாக கருதப்பட வைத்தது. உண்மையில் இவரது போராட்டம் கருப்பு இன மக்களுக்கு சரி சமமான உரிமை பெற்று கொடுப்பதே ஆகும். இவரின் போராட்டத்தை ஒடுக்குவதற்காக FBI இவரை ஒரு கம்யூனிஸ்ட் வாதி என்ற
முத்திரை குத்தி லூதர் அமெரிக்க மக்களின் எதிரி என்று கருதும் நிலையை உருவாகியது. எது எவ்வாறாக இருந்தாலும் இவரின் ஒரே கொள்கை
கறுப்பின மக்களுக்கு உரிய உரிமையை பெற்று கொடுபதுதான்.
1968 ஆண்டு இவர் James Earl Ray என்பவரால் மெம்பிஸ் என்ற இடத்தில் சுட்டுகொல்லபட்டார். இச்சம்பவம் FBI திட்டமிட்ட சதி என்று அன்றும் இன்றும் பேசப்பட்டுவருகிறது. ஆனால் உலகத்தின் பார்வையில் அவர் படுகொலை செய்யப்பட்டுவிட்டார். ஏன்? எதற்காக என்ற கேள்விகளுக்கு விடை கிடைக்காது.
1964 ஆண்டு லூதர் அமைதிக்கான நோபல் பரிசை பெற்றார். கிடைத்த 54000அமெரிக்க டாலரை தொண்டு நிறுவனங்களுக்கு நன்கொடையாக அளித்தவர் லூதர். தனது கருத்துமிக்க பேச்சுக்களால் அமெரிக்க மக்களையும் உலக மக்களையும் ஈர்த்தவர்
லூதர்.

லூதர் கிங் தனது உரைகளில் தனக்கென்று ஒரு கனவு உண்டு அது "ஒரு நாள் அமெரிக்க வெள்ளை இன சிறுவர்களும்,சிறுமிகளும்
அமெரிக்க கருப்பு இன சிறார்களுடன் கைகோர்த்து விளையாடும் காலம் வரவேண்டும்" என்பதாகும்.
அவருடைய கனவு பலித்து விட்டது என்பதற்கு, இன்று அமெரிக்க நாட்டை ஆளும் மனிதர் கருப்பு ஒபாமா என்பதே சாட்சியாகும்.
மார்டின் லூதர் கிங் நமது காந்திஜியின் அஹிம்சை கொள்கையை முன்னிறுத்தி அதற்காக தன உயிரையும் கொடுத்து
கருப்பு இனத்தின் விடுதலைக்கு வித்திட்டு உள்ளார். அவருக்கு முன்மாதிரியாக இருந்த காந்திஜியின் பாரதம் இன்னும் சாதி,மத
பேதங்களால் தினறிக்கொண்டு இருக்கிறது.